Den LN fiert erëm op 2Alpes (F) virun der Ouschtervakanz op e Ski-a Snowboardstage!

Hei kënnt dir an enger flotter Ambiance Ski oder Snowboard léieren resp. perfectionnéieren an dobäi mat ville Jonken (och aus anere Schoulen) eng schéin Zäit erliewwen! 

Weider Infos souwéi den Umellungsformulaire (ënnen op der Säit)

Gratulatioune Jungs!

Eis Senior-Fussballsequipe hutt gëschter d'Halleffinal erreecht vun der ISF-Qualifikatioun!

Bonne Chance den 1.Dezember! Weider

Hei gesäis du, wéi eng Sportarten dats du dest Schouljoer huss. Choix

Mir fueren erem op Landgraaf an eng Skihal! An zwar Méindes, den 19. Dezember 2016! 

D´Umelldung ass ab elo bäi de Sportsproffen! Weider Infos

Eis Lichathleten kommen am overall op déi 4.Plaz vun 20 Schoulen.

 Weider

Am Klammchampionnat vun de Netlizenzéierten hunn eis Sportler super ofgeschnidden:

Championstitel vir d'Meyers Claire, d' Hannah Eeckels an d'Francisca Eeckels kommen béid op déi zweete Plaz an hirer jeweileger Kategorie! Bäi de Cadetten verpasst d'Emma Day leider d'Finall a gëtt 6.

 Weider

Mir ware jo virun Ouschteren op 2Alpes an e Ski- a Snowboardstage. Hei um Site fannt dir e klengen Artikel vun der flotter Rees!

Den LN-TROPHY-Ranking nom 2.Trimester ass eraus. Op den éischten 2 Plazen hutt sech näischt verännert: Den Daniel Remy bleift un der Spëtzt, virum Eeckels Francisca. Op der drëtter Plaz ass elo d'Remy Anna!

Am Klasseranking ass d'7O2 virun der 701 an der 6CM1! Bravo a weider sou! Ranking

Dëst Trimester hu mir e flott gefëllten LASELs-Programm Donneschdegnomëttes. Schreif dech op de Lëschte virum Sportsproffebüro an! Programm

Dir kënnt eis vun elo un och op Facebook verfollegen.

Like us

Eis Minimes-Fussballsequipe hutt leschten Donnegden gutt gespillt. Obwuel si just hiren éischte Match verluer hunn, gung et awer net duer vir an déi nächst Ronn ze kommen.

Weider

Um LASEL-Championnat am Badminton vir Net-lizenzéiert Spiller hutt de Louis Pütz sech op déi 4.Plaz bäi de Cadets gespillt.

Den Joé Beck gëtt an der Kategorie Juniors 6. Weider war de Benjamin Müller och vir den LN am Asaz. Weider

Eis Lycée war dëst Schouljoer mat 2 Schüler an d'Schwäiz op d'Skilandesmeeschterschaft gefuer.

De Philippe Leyder an de Béryl Huveneers waren dobäi. Béid sinn un den Depart vum Riseslalom gaang, am Slalom hutt awer just de Philippe deelgeholl. Leider konnte mir awer dëst Joer kee Championstitel mat heem bréngen. D'Martine Konijnenberg war net matgefuer a konnt soumat och net säin Titel verdeedegen.

Trotzdem war et flott! Weider

Mëttwochsmëttes gëtt jo an der LASEL Fussball gespillt.

Dir kënnt awer nëmmen matspillen wann dir entweder um 11:50 oder um 12:30 an der Hal sidd!

Eis Meedercher konnten sech leschten Donnegden leider net and 'Finallronn kicken! Weider

Den éischte Ranking vum LN-Trophy 15/16 ass eraus!

Nom 1. Trimester ass den Daniel Remy op éischter Plaz, virum Francisca Eeckels a Claire Meyers! Congrats a weider sou!

Déi éischt 20 um Schluss vum Schouljoer ginn op e Sportsstage vun 2 Deeg op Remerschen agelueden. Hei steet ënneranerem Wakeboard a Longboard um Programm! Check de komplette Ranking!

Check de Programm vun de LASELS-Aktivitéiten (Donnesdesmëttes) vum 2. Trimester!  Weider

Mell dech op de Lëschten bäim Sportsproffebureau un!

D' Photoen vum LN -Trophy sinn elo endlech online...sorry... Weider

Op alle Fall war et wéi all Joer schéin an d'TOP 20 war einfach nëmmen TOP! Den aktuelle Ranking vum Schouljoer 15/16 kënnt geschwënn!

D' Sportsproffenequipe wënscht Iech all schéi Feierdeeg an e gudde Rutsch!

Genéisst är Vakanz! Op e sportlecht a virun allem glécklecht Joer 2016!

Hei fënns Du Photoen vun eisem Ski- a Snowboarddag zu Landgraaf. Weider

Bravo LN'er! Eis Futsal-equipe bäi de Cadet'e gëtt Champion!

 Weider

Eis Fussballsequipe (Senioren) hunn leider hir 2 Virronn-Matcher verluer a sinn demno net weider. Weider

Déi genau Infoe vir de Ski- a Snowboardstage zu Deux Alpes (Frankräich) virun der Ouschtervakanz sinn elo raus. Dir kennt Iech elo aschreiwen! Weider

Mir fueren erëm de leschten Denschden virun der Chrëschtvakanz op Landgraaf (NL) an d'Skihal.

Hei kann een während engem Dag Ski oder Snowboard fueren! Virun allem vir Jonker, déi nach ni dëss Wanteraktivitéit gemaach hunn, ass dëst eng ganz flott Geleegenheet eng Kéier eran ze schnupperen!

  Weider Infos

Mir waaren d'lescht Woch op de Bike-Day! Photoe sinn online! 

Du bass interesséiert um LASEL-Skichampionnat deelzehuelen? Dann informéier dech hei! Weider

D' Claire Meyers an d'Francisca Eeckels vun der 7O1 ginn LASEL-Championne am Klammen vir Ufänger! Congrats!

 Weider

Um traditionnelle LASEL-Championnat am Crossduathlon ware mir dëst Joer mat 3 Sportler um Depart. Weider

De Shawn Eck hutt vir eis Schoul un der 3000m-Course vir Net-lizénzéiert Leefer deelgeholl. Weider

D'Schüler, déi Méindes um 11:45 Sportscours hunn, ginn hei hire neie Planning vum Schouljoer gewuer!

Dësen Donnegden hutt eis Cadets-Fussballequipe sech am LASEL-Futsal-Championnat duerch eng gutt Teamleeschtung an d' Finall gespillt!

Bravo a vill Gléck den 17. November! Go LN! Weider

Mëttwochs an der Mëttesstonn gëtt AB 12:30 Basket gespillt! Komm an d'Sportshal a spill mat!

D' Sportsproffenequipe wënscht Iech all eent erfollegräicht a sportlecht Schouljoer 15/16!

Eis technesch Problemer mam Internetsite schenge geléisst ze sinn soudats du lo rëm all Infoen hei fënns!

Komm an der Mëttesstonn an d' Sportshal Sport maachen! Bréng deng Sportskleeder an Schülerkaart mat a sëff aktiv! Programm

Maach och Donnesdesmëttes op enger vu villen Sportseventer vun der LASEL mat! Schreif dech op de Lëschten virum SPortsproffebüro an! Programm Donnesdesmëttes

we are back...

LN-Sportler um Gym Open. Weider

Mir sichen nach Schüler a Schülerinnen vir op folgend LASEL-Aktivitéiten Donnesdesmëttes matzegoen:

Mountainbike-Championnat (11.Juni) - Beachhandball + Klammchampionnat + Crosstriathlon + Dëschtennis (keng Clubspiller) (18.Juni) - Fight & Fun + Handball (25.Juni)

Leschte Mëttwoch goufen Promesses de Dons vun 23 237 Euro vir d' Special Olympics gesammelt!

E grousse Merci un all déi Schüler, déi Sponsoren gesicht hunn! Villmools Merci och den Donateuren!

Den Triathlon gouf gewonn vun der 5CM2, virun der 3BC an der 10TG! Bravo! Weider

D' Gewënner vum LN-Trophy 2015 ginn dëst Joer agelueden vir e flotte Sportsweekend zu Iechternach ze verbréngen.

Den 3.-4. Juli gëtt hei am Adventurepark zu Veiane geklomm, op der Sauer Kajak gefuer, eng Geocache gemaach a villes méi!

Sammel nach fex Punkten a komm an de Mëttesstonnen an d' LASEL a mach Donnesdesmëttes bäi Competitioune mat! Weider

Eis LN-Schwëmmerinnen waren vir d' zweete Kéier vir Lëtzebuerg um Depart vum ISF-Championnat. Dëst Joer gouf des Weltmeeschterschaft a Polen ausgedroen. Vill flott Impressiounen fënns du hei um Site! Weider

Am 3.Trimester stinn ganz vill flott Sportsaktivitéite vun der LASEL Donnesdesmëttes um Programm!

Check de Programm a schreif dech op de Lëschten nieft dem Sportsproffebüro an!

De 6. Mee (3.Mëttwoch no der Vakanz) gëtt eisen traditionellen Solidarity Run ofgehal! All Klass mëcht hei e Gruppen-Triathlon!

Et gëtt gelaf, geschwomm an Spinning gefuer!

Och ginn Sponsoren gesicht! Den Erléis geet an dëser Editioun un Special Olympics! Weider

Eis Fussballsjongen haaten sech duerch eng ganz gutt Performance an d' Finall gespillt. Wéinst Krankheetsfäll hu mir leider keng Equipe vir d' Finall zesumme kritt an hu missen ofsoen. Weider

Bravo Joé! Eisen LN-Sportler gouf an der Cat.C am Dëschtennis LASEL-Champion!

De Christophe Zimmer gëtt Drëtten an den Tun Hübsch kënnt op déi 5. Plaz an der Cat.B! Weider

De Nic Rischette an den Rick Lotzkes, eis 2 Klemmer, hunn des Kéier sech un d´Boulderen erugewot. Eng drett Plaz a vill Spaass ass dobäi erausgesprong!

  Weider

Wéi all Joer fuere mir erëm mat den 20 aktivste LASEL-Sportler zum Schluss vum Joer op e Sportausfluch! Bass du dobäi?

De Stephane Remy ass bis elo den éischten, virum Raths Samuel a Mevludin Karametovic! Bravo! Bäi de Klassen ass d' 5M1 op der éischter Plaz virun der 7O2 an der 7O1! Weider sou!

Check den Ranking vum 1. Semester hei!

Den Här Pierrot Felgen kënnt dësen Donnegden bäi eis an de Lycée vir der Option Sport & Santé d' Special Olympics virzestellen.

Mir freën eis schon!

D´Option Sport & Santé 2e vum Här Schaack hunn d´Sportart Curling kennegeléiert! Schéi war et! Weider

Zu Adelboden an der Schwäiz gewennt d´Martine Konijnenberg de Rieseslalom a senger Kategorie! Felicitatioun! Weider

D´Sportsproffenequipe wenscht Iech all e flott an erfollegräicht Joer 2015! 

Och am neie Joer sidd Dir haerzlechst invitéiert, vir an de Mettesstonnen bai ais Sport maachen ze kommen oder un enger Sportcompetitioun deelzehuelen. Um Site ass elo de Programm vun de Sortien vir d´zweet Trimester ze fannen. Och si nach Plazen fräi vir de Skistage zu 2 Alpes! 

Déi genau Infoe vir de Ski- a Snowboardstage zu Deux Alpes (Frankräich) sinn elo raus. Dir kennt Iech elo aschreiwen! Weider

De Méinden 15.Dezember fuere mir um 12:20 an d´Stad op d´Dance Session. Hei gëtt 2 Stonne laang Zumba an HipHop gedanzt! 

Danz matt a mell dech op der Lescht virum Sportsproffebüro un! Depart ass um 12:15 virun der Sportshal a mir sinn géint 16:40 erem zréck.

Mir fueren erem op Landgraaf an eng Skihal! An zwar Méindes, den 19. Dezember 2016! 

D´Umelldung ass ab elo bäi de Sportsproffen! Weider Infos

Är Dokumenter vir d´Option Sport & Santé 2e vum Här Schaack sinn elo online!

Et si vill flott Photoen vun de Sportsaktivitéiten vun dësem Schouljoer souwéi vum 3. Trimester 13/14 elo online! Galerie

Eis 4 Duathleten hunn sech a Form gewisen um Cross-Duathlon-Championnat leschten Donneschdeg zu Réiden! 

De Rik Karier gëtt exzellenten Drëtten an der Kategorie Cadets. De Jacques Theisen, Tim Karier a Philippe Leyder beleeë bäi de Minime Plazen 11, 12 a 24.

Bravo! Weider

Och dëst Schouljoer hutt all Schüler vum LN erëm d´Méiglechkeet vir zesumme mat anere Schüler 1 flott Woch am Schnéi ze verbréngen. 

Dëse Ski bzw. Snowboardstage gëtt vum 28. Mäerz bis de 4. Abrëll 2015 zu Deux Alpes (Frankräich) ofgehal. Des Woch kascht ongeféier 640 Euro. De genaue Präis souwéi Detailer kommen no.

Eis Leefer hunn op dem éischten LASEL-Event vir dest Schouljoer deelgeholl. Um Relais Orange, engem Staffel-Laf, kommen eis 6 Sportler
op déi 6. Plaz mat enger Endzäit vun 21´51.

Weider 

Och dëst Schouljoer kennt dir erëm an all Mëttespaus (a Méindes no der Schoul) an d´Sportshal komme vir Sport ze maachen. Einfach d´Sportskleeder an är Schülerkaart matbréngen a laanscht kommen! Du brauchs dech net am Virfeld unzemellen. 

Och gi mir erëm Donneschdegmëttes op flott Tournoien a Sportseventer! Wëlls du hei matmaachen, da schreif dech w.e.g. op de Leschten nieft dem Sportsproffebüro an!

Hei fenns du de Programm! 

D' Sportsequipe wënscht Iech alleguer eng flott an erfollegräich Rentrée 2014/2015! 

No enger klenger Paus ass eisen Internetsite elo erëm wéi gewinnt up to date! Hei fannt Dir all wichteg Infoen zum Schoulsport, Photoen vun eisen Ausflich a villes méi!

E Sonnden ass den Depart um 5:45 zu Wolz. Denkt drun dat an der Nuecht vu Samschdes op Sonndes d' Auer geréckelt gëtt,

net dat dir 1 Stonn ze spéit do sidd!

Op de Skimeeschterschaften zu Adelboden gëtt de Chris Peiffer 7. (22. mat FIS-Fuerer) am Riseslalom an de Luca Van Maris 15. (25. am overall) am Slalom. Bravo

 Weider

Leider hu mir am Moment Problemer mat de neie PDF- Fichieren hei um Site. Mir probéieren de Problem sou schnell wéi méiglech ze léisen...

Bis dohin gëtt den LN-Trophy Ranking virum Sportsproffebüro ausgehong.

Vill nei Photoen hei um Site! Galerie

D´Vicky Moonen gewënnt d´Championnat vun der LASEL am Dëschtennis Kat D. Gratulatioun!!! 

Weider

De provisoresche Ranking (Trimester 1) vum LN-Trophy 2013/2014 ass elo online!

Déi 20 Schüler a Schülerinnen (min. 5 aus dem Cycle supérieur) ginn zum Schluss vum Joer op e flotte Sportaausfluch invitéiert!

Sammel och du am 2. Trim fläisseg Punkten! Weider

Kuck op wéi enge LASEL-Aktivitéite mir am 2. Trimester iwwerall deelhuelen. Maach och du mat!

Um traditionelle Streetball-Tournoi am LN hunn 7 Equipen matgemaach. Gewënner heeschen dëst Joër Diogo (deen den Triple gemaach hutt) an . Merci all de Spiller vir dei flott Atmosphär an hire Fairplay! 

 Weider

Eis Seniors-Futsall-Equipe stoung an der Finallronn, wou si och ganz gutt gespillt hunn. Onglécklech si si awer vum LGL an der Halleffinall rausgekickt ginn. Weider

Och dëst Schouljoer geet et erëm an der Woch virun der Ouschtervakanz (30.Mäerz bis 5. Abrëll) op 2 Alpes (Frankräich) an de Schnéi!

Du hues Loscht mat Gläichaltregen eng flott Woch an den Alpen ze verbréngen an op de Ski oder um Snowboard d´Piste rofzejauwen?

Egal op Expert oder bluddegen Amateur, informéier dech hei um Site a fro däi Sportsproff! Ab haut kennt dir Iech umellen! Infos zur Aschreiwung, Rees, Präis, Photoen etc hei.

Eisen traditionellen LN-Streetball-Tournoi an der Mëttesstonn ass verluecht ginn op Mëttwochs, de 4.Dezember!

Maach mat a mell deng Equipe (mind. 3 Spiller) op der Lëscht virum Sportsproffebureau un!

Dir braucht net aus enger Klass ze sinn. Och d'Unzuel vu Jongen a Meedercher ass egal. Weider

Den Tun a Pit Hübsch souwéi den Joé Beck hunn un der DT-ISF-Quali deelgeholl. Weider

Mir soen den 68 LN´er, déi um Aidslaf deelgeholl hunn souwéi all hire Sponsore villmools Merci vir hiert Engagement! Bravo!

Weider

Och dest Joer fiert den LN erëm op Landgraaf an d´Skihal. Hei kanns du Densdes, den 17.Dezember Ski oder Snowboard mat engem Moniteur leieren. Wann s du scho fueren kanns, dann hues de d´Méiglechkeet fräi ze fueren.

Du wëlls matgoen?! Dann mell dech ab nächstem Méinden am Sportsproffebüro un.

Bréng dofir 40 Euro, deng Schülerkaart an d´Autorisation parentale (op dësem Site eroflueden) mat!  Weider

Laf mat um traditionellen "Aidslaf" e Freidegnomëtteg virun der Allerhellegevakanz zu Miersch!

Gelaf ginn 30´, gesammelt gëtt vir d´Aidsberodung an d´Recherche! Mell dech bäi de Sportsproffen un!

Depart vum Bus um 13:00. Retour um 16:00. Weider Infos

Gutt Plazéierungen vun eise 4 Duathleten um Cross-Championnat. Eis Senior-Futsallequipe mëscht déi 1.Plaz an der Virronn! Bravo!

Eis 4 Leefer sinn e Sonnden zu Walfer um Challenge Marc Savic op déi zweete Plaz gelaf! Bravo!

 Weider

Ween hutt wéi eng Sportaart am Cours LU5 an LU8+9? Check de Plang.

Great News kann een just soen! De lëtzebuergeschen Nationaltrainer am Rugby Marty Davis probéiert des flott Sportaart och am Eisleck ze erméiglechen an hält ab dëser Saison all Mëttwochs vun 16h30-18h00 en Training hei zu Wolz!

Jiddereen ass wëllkomm, egal op grouss oder kleng, Meedchen oder Jong!

DU hues Interessi? Dann schreif dech op der Lescht bäi de Sportsproffen an!

De Kalenner vun de LASEL-Aktivitéiten, déi Donneschdegmëtten duerch d' Land ofgehal ginn, ass eraus!

Maach mat! Schreif dech op de Lëschte bäim Sportsproffebüro an!

Dëst Joer gëtt et um Walfer Vollekslaf, deen den 6. Oktober ofgehal gëtt, eng Course iwwert 6,5 km speziell vir Schüler aus dem Post-Primaire.

Laf vir den LN mat! Infoen

D´Sportsproffenequipe wënscht all Schüler a Proffen e gudde Start an dat neit Schouljoer!

Och dëst Schouljoer geet et erëm ganz sportlech am LN zur Saach. Maach och du mat!

De LASEL-Programm kënnt d´nächst Woch eraus!

Photoen vum LN-Trophy, dem Schoulfest an an an ...hei um Site! Weider

Déi ganz Sportsproffenequipe wënscht Dir eng schéi Summervakanz!

Erhuel Dech gutt, amuséier dech vill, léier e bëssen a maach och bësse Sport! A virun allem: Komm erëm gesond am September zeréck!

D´LN-Trophy´ler sinn all gesond a mitt vun eisem wuelverdéngte Sportsweekend zu Lëlz zeréck komm. Net nëmmen um Standup-Paddle hu mir alles ginn!

Merci Iech all vir déi flott 2 Deeg!  Weider

D´Equipe vun der 7STP4 huet den Tournoi 2013 gewonn! Felicitatioun!

E grousse Merci de Schüler vun der 7STP4, 7O2 Mädels, 7O2 Spartaner, der 6CM1one & two an der 11CM souwéi de Proffen Madame Schaack Christiane an Här Nguyen Ha vir d´Matmaachen! Weider

E Méinden vum Schoulfest fällt d´LASEL an der Mettesstonn leider aus.

E Méindeg um Schoulfest gëtt en Tournoi am Dodgeball, Indiaka an Tchoukball gespillt.

Spill mat a mell dech bäi de Sportsproffen un! Infoen

David géint Goliath. Eis Jongen hu sech awer exzellent géint déi vill méi al Spiller geschloen. An puer Joer gewanne mir! 

 Weider

De Pablo Martinez vun der 3e ass neie LASEL-Champion am Degen! Congrats!

Weider

D' 6CM1 gewënnt de Klasse-Ranking am LN-Trophy a gëtt heimat déi sportlechst Klass 2012/2013!
D' Schüler hunn am Joer zesummen 560 Punkte gesammelt. Op déi zweet Plaz kënnt d' 7O1 mat 469 Punkten virun der 6M2 mat 450 Punkten! Gratulatioun!!

 Weider

De Championnat LASEL am Triathlon vun dësem Donnegden gouf jo wéinst den Donnerwiederen annuléiert a ka
leider net nogeholl ginn!

...sou heeschen d´Gewënner vum LN-Trophy 2012/2013! Gratulatioun Iech 3 an deenen anere 17 Gewënner! Wéi déi lescht 2 Joeren hutt
och dëst Joer den Diogo Baptista d´Nues vir, awer just mat 3 Punkte Virsprong virum Kenza! Infos zur Rees fënns du natierlech hei um Site!

Um Gym Open zu Conter kënnt d´Anna Ewen op déi 4. Plaz an d´Lynn Zeimes beleet Plaz 6. -  De Rick Lotzkes gëtt 5. virum
Nic Rischette (6.) um Klammchampionnat vun der LASEL. - Neie LASEL-Champion am Cross-Duathlon gëtt den LNer Sven Oly!
Gratulatioun! - Bäi de Minime kënnt de Rik Karier op déi exzellente 4.Plaz, de Jacques Theisen gëtt 7. souwéi beleet de Rick Even
an der Kategorie Cadet déi 10.Plaz.

Haut gouf a ganz schwierege Wierderbedingungen den éischten Triathlon am Kader vun der Optioun Sport & Santé (2e a 3e) am LN ofgehal.

Mir soen der Klass COHAB mam Änder Müller a mam Stephane Schmitz villmools Merci vir hir tatkräfteg Ënnerstëtzung!
Den 20. Juni geet et op d' Triathlonsmeeschterschafte vun der LASEL zu Réiden. Weider

Dëse Freideg gëtt den Hockey-Tournoi am LN an der Mëttesstonn ofgehal! Mell dech nach un!

6 Sportler vum LN 6 Sportler vum LN waren um Depart vum traditionelle Laf Ronderëm de Séi. Den Oly Sven ass hei op déi exzellenten 8 Plaz gelaf vun insgesamt 708 Leefer! Weider

Wielt aer Sportaart vir de leschten Zyklus. Weider

Pics sinn elo online! Weider

Tania Felten gewënnt vir den LN de Championstitel am 50m-Réck vun de Netlizenzéierten! D'Vicky Moonen gëtt Drëtt. Congrats ladies! Weider

Nic, Rick an Olivier hunn um Parkour Battle deelgeholl. Weider

Samschdes ginn am Mee a Juni vum Golfclub Klierf Schnuppercouren an dëser Sportaart op hirem Site zu Eselbuer ugebueden.

Weider Infoen.

De Rugby-Nationalcoach Marty Davis hutt eis matgedeelt, dat et bis op weideres näischt gëtt mat engem Rugby-Club am Eisléck.
D´Ettelbrécker Gemeng stellt leider keen Trainingsterrain zur Verfügung. Elo gëtt no Alternative gesicht.

Mir haalen iech natiirlech um Courant falls sech eppes sollt änneren! Keep the faith!

D´Sportsproffenequipe seet all de Sportler a Sportlerinnen, den Donssammler an den Donateure souwéi de Proffen an Direktiounsmemberen,
déi deelgeholl oder gehollef hunn e grousse MERCI!

Insgesamt konnten 16 425 Euro gesammelt ginn! Aus sportlecher Siicht konnt sech d´5M2 virun der 2 BC an der 4CM2 duerchsetzen.
Am Cycle inférieur kënnt hannert dem Gesamtgewënner d´7O1 virun der 7O2.

Weider

Dëse Samsden ass Porte Ouverte am LN. Och d' Sportshal ass op: Dir kënnt gäere vun 9-12 Auer Sport maache kommen!

P.S.:Et ginn 5 Punkten vir den LN-Trophy!

Méi Photoe vum Ski- a Snowboardstage zu 2 Alpes

De leschte Freiden virun der Päischtvakanz gëtt an der Mëttesstonn an der LASEL eisen alljährlechen Hockeyturnéier ofgehal!

Spill mat! Mell dech virum Sportsproffebüro un. Mir spillen 5 géint 5.Dir musst NET aus enger Klass sinn!

Nächste Mëttwoch (17.Abrëll) ass KEEN noschwammen. D' Schwaemm ass dann zou.

Den drëtte Mëttwoch vum 3. Trimester (24.Mäerz) ass eisen traditionelle Solidarity Run am LN!

All Klass hëllt deel a schwëmmt, leeft (dobaussen) a fiert um Spinningvelo während 15 Minutten! Déi 3 bescht Distanze vun all Disziplin ginn zesumme gezielt! Wéi eng Klasse gewannen?

Nieft dem sportlechen Asaz zielt virun allem d´Solidaritéit. Sicht Sponsore vir äer Participatioun a bréngt den ausgefëllte Sponsorziedel
de 24. mat an d´Schoul! Dëst Joer gëtt d´Coopératioun Woltz ënnerstëtzt. Weider

Och dëst Schouljoer ginn déi 20 aktivste Sportler a Sportlerinnen am Kader vun der LASEL op e Sportsweekend agelueden.

Bass du bis elo dobäi? Kuck der d´Lescht un mat deene 37 Schüler mat de meeschte Punkten.

Am drëtten Trimester hues du nach vill Geleeënheet fläisseg Punkten ze sammelen!

Am Klassen-Ranking ass 6CM1 mat 372 Punkte kloer virun der 7O1 mat 300 Punkten, knapp virun der 6M2 mat 298 Punkten!

Bravo un iech all!

Beachvolley, Seven´s outdoor am Rugby, Lafen um Ronderëm de Séi, Turn- a Klammchampionnat, een Nomëtte Perfectionnement am Parkour...

...dat sinn nëmme puer vun den Highlighte vum LASEL-Programm (Donneschdegmëtten) am 3.Trimester!

Check de Programm a schreif dech op de Lëschte vis-à-vis vum Sportsproffeburo an!

Freides, de 9.Mäerz gëtt an der LASEL (Mëttesstonn) op 1 Terrain Dammefussball gespillt.

Du bass weiblech an interesséiert?! Da komm bis laanscht a spill mat!

Bei de lizenzéierten Spiller ass den éischten Dëschtennischampion d'Lynn Stoltz. Bei den Hobbyspiller hunn de Rick Pinazza an de
Chris Staudt den Titel geholl! Weider

Um LASEL-Dëschtennischampionnat vir lizenzéiert Spiller gëtt de Pit Weyland exzellenten Drëtten an den Tun Hubsch an de
Jonas Andrzejewski komme jeeweils an hirer Kategorie op déi 5.Plaz!

Congrats guys! Weider

Déi 15. Spiller vun de klenge Länner ginn dëst Joer vum 27.Mee bis 1 Juni zu Lëtzebuerg ofgehal!

Infos

De Nic Lotzkes war lescht Woch als LN-Sportograph ënnerwee! Hien hutt déi beschte Momenter vun eise Basketspiller an Schwëmmer op de LASEL-Championnater geknipst. Merci Nic! Kuck ran!

Freides ass KEE Klamme méi an der LASEL.

Méindes a Mëttwochs kennt dir awer gären an der Mëttesstonn klammen kommen!

Um LASEL-Streetball spréngt eng 15. an eng 18. Plaz vir eis 2 Equipe raus. Weider

Pics vun eisem Sportsphotograph kommen no!

Eis 6 Schwëmmer raumen um LASEL-Championnat 2013 of!

Insgesamt 18 mol steet een LN´er um Podium, dovun 10 mol um héchsten Träppchen! Congrats! Weider

Leschten Donneschdeg gouf an eisem Lycée d´Virronn vum Fussball-LASEL-Championnat vun de Meedercher 1998 a méi al gespillt.
Op Woolz koumen d´Equipen vum NOSL, LTETT an der EPSA. Den LN hutt 1 Match gewonn an 2 verluer, waat leider net duer gaang
ass vir an d´Finallronn. Weider

Den éischte Freiden no der Fuesvakanz hale mir eisen éischten Dëschtennis-Tournoi am LN of.

Egal op Lizenzéiert oder absoluten Ufänger - maach mat! Schreif dech op der Lescht nieft dem Sportsproffebüro an!

En Donneschden sinn eis Jongen an der Finallronn duerch e gutt Spill bis an d´Halleffinall komm wou si dunn awer mat e bësse Pech 1-2
géint den LTC verluer hunn. Weider

D´Equipe vum Diogo, Emir, David a Fränz setzen sech wéi erwaart géint hir Konkurrenz am Streetball-Tournoi duerch.

Flott war et alt erëm emol. Merci heifir un all d´Spiller! Weider

De Pol Peifer hutt leschte Weekend zu Adelboden an der Schwäiz vir de LN d´Ski ugeschnallt an hutt un der LASEL-Skimeeschterschaft deelgeholl.
Am Rieseslalom kennt hien op déi gudd 9. Plaz a verbessert sech par Rapport vum leschte Joer. Am Slalom hutt de Pol leider déi zweetlescht Paart verfeelt an ass sou hei net an d´Wäertung komm.

Bravo Pol! Weider

Och dëst Joer erëm steet den Diogo Baptista un der Spëtzt vum LN-Trophy Ranking nom 1. Trimester.

Déi éischt 20 ginn um Enn vum Joer mat engem Sportsweekend belount. Dëst Joer geet et op de Stau! Bass du bis elo dobäi?!  Ranking

Eis Fussballsequipe (Senioren) hutt seng 3 Matcher an der Virronn gewonn a spillt elo de 24.Januar an der Finall vum LASEL-Futsal-Championnat. Bravo!

Weider

Eisen traditionelle Streetball-Tournoi gëtt ëm 1 Woch verluecht wéinst der Journée pédagogique!

Gespillt gëtt also den 3. Freiden no der Chrëschtvakanz, also de 25. Januar! Mell dech nach un!

Am neie Joer gett et sportlech! Donneschdegmëttes fuere mir op vill Turnéier an Coursen. Check de Programm a schreif dech an!

Am LN geet et lo och mat Turnéier lass! Den 2. Freiden no der Vakanz gëtt Streetball an der Mëttesstonn gespillt! Maach mat!

Wei all Joer si mir och dëst Joer um leschte Schouldag vum éischten Trimester op Landgraaf Ski a Snowboard fuere gaang.
Och des Kéier hutt erëm alles gudd geklappt, keen hutt sech wéi gedunn a jidderee vun de 60 Schüler hutt sech virbildlech verhal.

Merci heifir! Pics

E gudde Rutsch an en erfollegräicht a glécklecht Joer 2013 wënscht d'Sportsproffenequipe! Passt op iech op!

Den zweete Freiden no der Chrëschtvakanz (18.Januar) gëtt an der Mëttesstonn am LN Streetball gespillt. Hei spillen 3 Spiller op 1 Kuerf
géintenee Basket.

Spill mat! Schreif dech alleng oder mat denger Equipe op der Lescht nieft dem  Sportsproffebüro an!
D´Spiller mussen net aus enger Klass sinn. Déi net-lizenzéiert Spiller kréien e Virsprong.

Du fiers gäre Ski oder Snowboard oder du wëlls des Sportaart nei léieren? Du wëlls 1 Woch mat anere Jonken an enger mega
Biergkuliss verbréngen?

Dann fuer mat op Deux Alpes (Frankraich) tëscht dem 16. bis 23. Mäerz 2013! Weider Infoen

Dëse Samsdeg trëfft d'lëtzebuergesch Nationalequipe am Rugby op hir Kontrahenten aus Norwegen. Gespillt gëtt am Stade Josy Barthel an der Stad um 15 Auer. Vir Schüler ass d'Entrée fräi! Avis aux amateurs

Och dest Joer fiert den LN erëm op Landgraaf an d´Skihal. Hei kanns du Densdes, den 18.Dezember Ski oder Snowboard mat engem Moniteur leieren. Wann s du scho fueren kanns, dann hues de d´Méiglechkeet fräi ze fueren.

Du wëlls matgoen?! Dann mell dech ab nächstem Méinden am Sportsproffebüro un.

Bréng dofir 40 Euro, deng Schülerkaart an d´Autorisation parentale (op dësem Site eroflueden) mat!  Weider

Eis Meederchersschwammequipe gewënnt no 2010/2011 vir d´zweet Kéier den ISF-Championnat!

Elo geet et an Israel wou géint déi international Konkurrenz geschwomm gëtt. Congrats Meedels! Weider

22 Schüler vum LN sinn leschte Freiden 1 Stonn um Stonnelaf géint Aids zu Miersch gelaf an hunn Donen gesammelt. Insgesamt hunn bal 1600 Leefer deelgeholl. Bravo un iech! Weider

De leschte Freidegnomëtteg virun der Allerhellegevakanz ass zu Miersch erëm den traditionellen Aidslaf. Du hues Loscht mat villen anere Schüler 30 Minutten oder eng Stonn ze lafen an dat ganzt och nach vir e gudden Zweck?!

Dann schreif dech op der Lëscht nieft dem Sportsproffebüro an! Eenzeg Bedingung ass dats du deen Nomëtte keng Prüfung hues. 

Depart Bus: 12:45!

Leider war leschten Donneschdeg den ALR ze staark vir eis Fussballsequipe soudatt mir net an déi nächst Ronn zéie konnten. Weider

De Rugbytrainer Marty Davis wöll 1x d´Woch en Training zu Ettelbréck organiséieren. All Interesséierten, egal ob Profi oder Amateur, Jonk oder Al, Meedchen oder Jong, soll sech bei de Sportsproffe mellen!

D´Klassen, déi Sport hunn an den Stonnen LU5, LU8+9, ME3+4 a VE8+9 fannen hei de Programm vun de Sportaarten, déi si dëst Schouljoer maachen.

Elo geet et erëm lass! De LASEL-Kalenner vun den externen Aktivitéiten ass eraus!

Egal op Sportskanoun oder Ufänger - sief aktiv a schreif dech op de Leschte nieft dem Sportsproffebüro an!

D´Sportsproffenequipe wënscht iech all en erfollegräicht an glécklecht Schouljoer 2012-2013!

D'Sportsproffenequipe wënscht Iech all eng schéi Summervakanz! Maacht et gutt!

Fir d'Gewënner vum LN-Trophy 2011/2012 goung et op Remerschen! Hei hunn mir e richteg flotte Weekend mat Longboard, Wakeboard, Geocaching, Baggerweiher, Morgenjogging a villem méi verbruecht!

Weider Pics kommen no!

Haut gouf sech de ganzen Dag am Korfball, Dodgeball, Indiaca an Kinball dualéiert. D'Equipe HOLZ hutt gewonn, virun de Kürbissen an der 4M3! Gratulatioun dem Mike F., Billy, Mike W.,Annick, Lindsay, Steve an hiren kämpfereschen Proffen Christiane Schaack an Tessy Biver! Bravo un all d'Equipen! Weider

De 9.Juli ass Schoulfest am LN. Maach mat bäi den Tournoien am Kinball, Indiaca, Dodgeball an/oder Korfball!

Spillregelen a Videos zu de Sportaarten!

Mat 3 Teams hu mir am Badminton Doubel-Championnat an der Stad deelgeholl. Weider

Den LN mëcht vir d'éischte Kéier mat um Rugby-Turnéier vun der LASEL. Gratulatioun un eis couragéis Spiller! Weider

En Donnegden gewënnt de Rick Even an d' Angie Schaack den Triathlon zu Réiden an hierer Kategorie! Felicitatioun! Weider

Eis Fussballspillerinnen ginn 3. an hirer Pool an iwwerstinn heimatter leider net d'Virronn. Weider

Proffenequipe spillt sech op déi 3.Plaz am Proffen-Beachvolley-Turnéier zu Diddeleng!

Am Asaz vir den LN waren et den Änder Müller, Pierre Braquet, Rudy Loos, David Jachec, Jetty Rossi a Caroline Diesel.

Félicitatioun vun der Sportsproffenequipe vir d´Gewënner vum LN-Trophy 2011/2012!

Dir hutt Iech elo e schéine sportlëche Weekend zu Remerschen verdéngt! D´Nimm vun den Nomminéierten, Infoen zur Rees asw. fënnst du hei um Site!

Du bass elo just nët dobäi?! Dann komm déi nächst 2 Wochen nach fläisseg an d´LASEL wëll all Joër réckelen ëmmer puer Schüler no! Infos

Den aktuellen LN-Trophy-Ranking ass eraus! Déi éischt 5 Meedercher a 15 Jongen kënnen den 6. a 7.Juli 2012 op Remerschen goen wou mir e.a. Wakeboard (Waasserski), Longboard a villes méi maachen! Kuck op och s du dobäi bass!?
Du hues nach 3 Wochen Zäit vir Punkten ze sammelen! Ranking  

Den Theo Lemaire hutt den LN-Badminton-Turnéier gewonn. Zweeten gëtt den Sasha Gleintzer (7O1) virum Pit Helten. Congrats!

Um "Ronderëm de Séi" hunn eis 11 Leefer sech exzellent plazéiert. De Sim Ludovicy ass och dëst Joer de beschte Welzer Leefer an gëtt 4.!
Sou wéi hien kennen och den Oly Sven (8.) a Kraus Jo (10.)  vir d´éischte Kéier eise Laf-Expert, de Bertemes Pit (13.) klappen.
De Luc Kieffer kennt op déi 18.Plaz, de Lorang Mike gëtt 27. an de Foyen Andy gëtt 136. De Kroon Jan kennt op déi 144. Plaz.
Eist beschte Meedchen ass d´Sabotic Ifeta (426.) virum Benkhaddou Kenza (428.) an Anneix Morgane (431.). 

Bravo un iech all an e grousse Merci dem Pit an dem Jan vir den Encadrement vun de Schüler! Weider

E Freiden entscheed sech ween LN-Champion am Badminton 2012 gëtt! Nom éischte Spilldag leien eis Spiller nach all no beieneen.

D' Photoe vum Streetball Minimes/Cadets sinn elo online! Pics

Souwuel eis Jongen wéi och eis Meedercher erturnen sech déi zweete Plaz am Generalklassement vun dem Gym Open 2012 zu Contern.
Och wann mir gäre vir d'4. Kéier hannereneen gewonn hätten, sou sinn mir immens zefridden mat dësem excellente Resultat!

Leunessen Anne a Lempereur Sven ginn Champion! Barthel Camille, Atkinson Sam a Paulus Sven ginn Drëtten. Dostert Andy gëtt Zweeten. Bravo! Weider

E Freideg den 19.Mee siche mir an der Mëttespaus de Badminton-Champion 2012 vum LN. Egal ob Profi oder Amateur, maach mat! Schreif dech an!

Start vun de Matcher ass um 12 Auer.

Val Weicherding iwwerhëlt den Diogo Baptista am LN-Trophy-Ranking! Heimat ass vir d'éischte Kéier den Diogo net op der 1.
D' Schouljoer ass jo awer nach net eriwwer. De nächsten Update kënnt an der Päischtvakanz!

Zu 6 si mir op Réiden op d'Klamm- an Dëschtennis-Doubel-Championnat gefuer. Zeréck komm si mer mat dem Val Weicherding als Klammchampion, zwou 4. Plazen, eng 6. an eng 9.Plaz.

Eisen Dëschtennisdoubel gëtt zweeten! Weider

Depart vum Bus vir op de Klammchampionnat en Donnegden ass um 12h55 um Busquai vum LN.

LN -Streetballteam erreecht déi 5. an déi 13. Plaz vun 20 am LASEL-Streetball an der Stad. Weider

Pics

Och am drëtten Trimester geet et sportlech virun!

Den Handball-Turnéier am LN geet nächste Freiden an der Mëttesstonn an déi 2.Ronn. D´Matcher ginn um 12 Auer lass!

Donneschdegmëttes fuere mir op vill Turnéier an Coursen. Check de Programm a schreif dech an!

Check deng Sportaart vir de Zyklus 5 vum drëtten Trimester elo hei um Site! Weider

Problemer mat der Ketten an e Platten maachen daat den LN sech dëst Joer am Cross-Duathlon keng Podiumsplaz erkämpfen kann. Weider

Den 1. Freiden no der Vakanz organiséiere mir an der Mëttesstonn en Handball-Turnéier.

Egal op Profi oder Amateur, 7ième-Schülerin oder Ofschlossklässler, spill mat a mell dech alleng oder deng Klass un! Wéi gewinnt hänkt d´Lescht um wäisse Briet virum Sportsproffebüro.

Den LN-Trophy-Ranking vum 1.Semester ass eraus! Mir fueren dëst Joer e Weekend op Remerschen. Hei steet Wakeboard, Longboard, Mountainbike a villes méi um Programm!

Ween däerf mat?! Bis elo ass nach alles op. 51 Schüler a Schülerinnen leien zum Deel ganz no beieneen. Un der Spëtzt ass wéi 2011 den Diogo Baptista, gefollegt vum Val Weicherding. Kuck dir de Ranking un an sammel am leschten Trimester nach fläisseg Punkten! Weider

Pics

Depart vum Bus vir de Cross-Duathlon nächsten Donnegdeg ass um 12:40!

Mountainbike a Casque matbréngen. Dir kennt de Velo moies bei eis an der Sportshal ofstellen.

Wann dir keen Velo hutt, dann kontaktéiert d´Sportsproffen esou séier wéi méiglech!

De geplangte Tournoi vun Proffen géint d´Ofschlossklassen gëtt net dëse Freiden ofgehal well sech net genuch Spiller ugemellt hunn.

D´nächst Joer vläit??!

Leschte Freide goung den LN-Fussballturnéier mat der Finallronn vum Cycle supérieur op en Enn. No 7 gespillte Matcher hunn mir gläich 2 Gewënner! Congrats der TOCM an der T1CM vir hiren Titel! Weider

Eis Fussballsequipe konnt sech leider net vir d´Finallronne qualifizéieren. Weider

D´Proffenequipe spillt sech mat enger gudder Teamaarbecht op déi 5. Plaz am Volleyballturnéier zu Dikrech. Weider

Dëse Freideg ginn d' Finallen vum Cycle supérieur ofgehal. Wéi ëmmer fänken d' Matcher um 12 Auer un!

Et spillen: T1CM, 12CG, 3DG, XOET, 13CG/13GE, 10TG, TOCM, an 11CM.

11PS haat sech och qualifizéiert mee leider sinn si am Stage a kënne sou net deelhuelen.

Leschte Donneschden hutt eis Fussball-Equipe (Cadets) zu Réiden am LASEL-Championnat deelgeholl. Weider

D´6M2 gewënnt de Futsal-Championnat vum Cycle inférieur virun der 8POF (2-1) an der 9STP6. Congrats! Weider

Boujouf Yassine, Dorigo Fabio, Badic Dzenis an Emir hunn um Judo-Championnat an der Coque fir den LN gekämpft! Weider sou Jongen!

Weider

Dëse Freideg ginn d' Finallen vum Cycle inférieur ofgehal. Wéi ëmmer fänken d' Matcher um 12 Auer un!

Et spillen: ACCU2/9MO4, 6M2, 9MO3, 5M1, 8POF, 9MO1, 9STP6 a 8MO1. Pics vun de Matcher

Dëst Joer war den Pol Peiffer vun der 10TG fir den LN um Start. Am Slalom huet de Pol eng excellent 5. Plaatz an senger Kategorie beluecht. Weider

Deng Klass spillt mat am Fussballturnéier vum LN?! Dann check wéini deng Equippe spillt! Opgepasst: et gëtt e liicht verännerten Spillplang

Check den Sport-Programm vir d´zweet Trimester an mell dech vir d´Turnéier am LN (Fussball, Badminton a.v.m.) an d´Auswäerts-Aktivitéiten un!

Gëff och du 2012 aktiv!

Maach mat denger Klass um LN-Fussballturnéier mat!

Et gëtt 5 géint 5 um klengen Terrain gespillt. All Klassen ausser d´7ièmen kennen sech op der Lescht virum Sportsproffebüro aschreiwen. D´Matcher sinn Freides an der Mëttesstonn. De genaue Spillplang kennt demnächst raus!

Weider Pics vum Dëschtennis-Championnat an LN-Streetball um Site!

D´Sportsproffenequipe wënscht alle Schüler a Schülerinnen eng flott, erhuelsam Chrëschtvakanz an e gudde Rutsch an d´neit Joer!

No 40 gespillte Matcher stoung de Gewënner 2011 am Streetball fest:d´Equippe Emir, Diogo a David gewannen!
D´Zweet ginn d´Nora, de Patrick, Tom a Billy virun der Equippe vum Nadjahou. Congrats guys! Weider

Gratulatioun un eis 3 Dëschtennisspiller Tun Hübsch, Tim Brachmont a Joé Beck vir hier gutt Plazéierung um LASEL´s-Championnat! Weider

65 Schüler a Schülerinne ware gëschter op Langraaf an d´Skihal an hunn hei fläisseg Ski- a Snowboardfuere geléiert respektiv sech am Funpark amuséiert.Och dëst Joer hunn eis Jonker sech virbildlech beholl!

Bravo a Merci heifir! Photoen

Nodeems leschte Freiden 10 Equipen um Start waren, geet et dëse Freiden an der Mëttesstonn virun!

D´7STP2 gewënnt d´Klassechampionnat am Fussball vun de 7ièmen. D´7O1 kennt op déi 2. Plaz virun der 7MO1. Congrats Weider

Am nationale Streetball-Turnéier an der Stad kennt den LN op déi 7. (LNW1) an op déi 18. (LNW 2) Plaz vun 20 Equipen. Weider

E Freiden den 2. Dezember gëtt Streetball (3 géint 3 op 1 Kuerf) am LN gespillt. Mell dech mat denger Equipe beim Sportsproffebüro un!

D´Matcher fänken um 12 Auer un. D´Equipen aus dem Cycle inférieur kréien e Virsprong.

Vum 24. - 31. Mäerz fiirt den LN mat anere lëtzebuergesche Schoulen erëm op Deux Alpes (Frankräich) an den Ski- a Snowboardstage.

Detailer sinn elo eraus an natiirlech hei um Site ze fannen. Kuck dier et un an mell dech un! Weider

Och dest Joer fiert den LN erëm op Landgraaf an d´Skihal. Hei kanns du Densdes, den 18.Dezember Ski oder Snowboard mat engem Moniteur leieren. Wann s du scho fueren kanns, dann hues de d´Méiglechkeet fräi ze fueren.

Du wëlls matgoen?! Dann mell dech ab nächstem Méinden am Sportsproffebüro un.

Bréng dofir 40 Euro, deng Schülerkaart an d´Autorisation parentale (op dësem Site eroflueden) mat!  Weider

Leschte Freiden gouf den Championnat am Hockey duerchgefouert. Kloer duerchsetzen konnten sech d´Spiller vun der 4M3.

D´Titelverdeedeger (1C) ware leider net dobai. Gratulatioun un den Eric, Joel, Pablo, Pierre, Pit, Tom a Joel! Weider

De leschte Freiden virun der Allerhellegevakanz ware 50 Leefer a Leeferinnen vum LN um Depart vum `Stonnelaf géint AIDS´.
Merci un d'Sportler vir hiere leefereschen Asaz souwéi hiert Engagement bei der Sponsorsich! Weider

No der Vakanz ass et souwäit! Den éischten a zweete Méinden gëtt Méindes an der Mëttespaus (12:30 bis 13:10) d´Fussballschampionnat vir d ´7ièmen ofgehal. Gespillt gëtt 5 géint 5 (4+1) um klenge Terrain. Mell dech op der Lescht virum Sportsproffenbüro un!

Den éischte Freiden no der Allerhellegevakanz gëtt an der Mëttesstonn an der LASEL eisen alljährlechen Hockeyturnéier ofgehal!

Spill mat denger Klass mat! Mell dech virum Sportsproffebüro un. Mir spillen 5 géint 5.

Leider feelen eis 2 Leefer vir un der Staffel vum Relais Orange en Donneschden deelzehuelen. Den LN geet also net un de Start!

Merci awer den Schüler, déi sech ugemellt hunn vir hiert Engagement. Nächst Joer dann hoffentlech erëm.

D´Sportsproffenequipe wënscht Dier en erfollegräicht a sportlecht Schouljoer!

Hei fënns Du all Informatiounen zum Schoulsport! D´Horairen vun der LASEL an der Mëttesstonn souwéi de Kalenner vun de
parascolairen Aktivitéite sinn eraus.

Wëlls du wëssen, wei eng Sportaart dass du an denger Optioun kritt hues, dann klick hei

Sportsproffenequipe wënscht iech alleguer eng schéin, relax a sportlech aktiv Summervakanz! Passt op iech op!

Den 8. a 9. Juli waren déi 20 aktivste Sportler a Sportlerinne vum LN zu Iechternach. Hei gouf gepaddelt, pedaléiert, geklomm an einfach nëmme richteg vill Sport gemaach!

Eis Komplimenter un iech! Dier waart super! Pics

D´Handballfederatioun war den 11. Juli bei eis an der Schoul! E grousse Merci un d'Traineren an un eis motivéiert an talentéiert (sou d'Nationaltraineren ) Spiller a Spillerinnen! More Pics

Den LN mat 1 Team um Streetball. Pics

Eis 6 Schwëmmerinnen sinn nees gutt zu Lëtzebuerg vum ISF Swim Cup zu Malta erëm komm. Pics a Resultater hei um Site! Weider

E grousse Merci un eis Sponsoren!

Eise Lycée ass mat 4 Leefer un de Start vun der 31.Editioun vum Laf "Ronderëm de Séi" zu Iechternach gaang. Op déi exzellente 6. Plaz vun 893 Leefer kennt den Sim Ludovicy! Wéi d´Joeren virdrun war awer och dës Kéier de Pit Bertemes vun kengem Wëlzer Schüler ze schloen. Weider

D´LN-Schwëmmer hunn um Championnat vun de Net-Lizenzéierten ofgeraumt. Bravo! Weider

2 Hären- a 2 Dammendoublen hunn vir den LN um Badminton-Turnéier an der Stad gespillt. Weider

D´Schüler vum LN konnten 13 000 Euro un Promesse de dons vir d´Associatioun ALUPSE sammelen!

Sportlech gesi kann sech d´7O2 an d´2BC iwwert hier 1. Plaz freeën! 

All de fläissege Spendensammler a motivéierte Leefer, Schwëmmer a Cyclisten e grousse Merci vir dëse flotten Event!  Weider

Eis Meederchersequipe hutt vir d´Drëtt hannereneen d´Gym Open zu Housen gewonn! Och eis Jongen hunn sech gutt geschloen. Congrats! Weider

Eis Fussballsequipe gewënnt 1 vun 3 Matcher a scheet soumat leider am Championat Futsal Minimes aus. Weider

Eis Meedercher konnten sech leider net vir d´Finall qualifizéieren. Weider

Den provisoreschen Ranking vum LN Trophy 10/11 ass online! Den Baptista Gomes Diogo bleift och nom 2.Trimester un der Spëtzt! Weider

Check den Programm vum drëtten Trimester oder komm an der Mëttesstonn an d´Hal Sport maachen! 

Eis Volleyballequipe erreecht déi 11. Plaz am Championnat Junior Open Mixte zu Dikrech. Weider

Haut am Unihockeyturnéier gewënnt 2C virun der 4CM2. Weider

Dier fannt um Site elo de Kalenner vun den externen LASEL's-Aktivitéiten, un deenen den LN am drëtten Trimester deelhëlt.

Maach mat a schreif dech op de Lëschte beim Sportsproffebüro an!

Eis 3 Cross-Duathleten hunn sech a gudder Form op dem LASEL's-Championnat gewisen: Den Sim Ludovicy erreecht déi 5. Plaz, de Jo Kraus gëtt 7. (béid an der Kategorie: Cadets) an den Mike Lorang gëtt 2. bei den Junioren! Congrats!  Weider

Eis Fussballsequipe spillt sech am LASEL-Championat Futsal Seniors an d'Halleffinall mä verléiert hei leider géint de spéidere Champion LTETT. Weider

Val Weicherding an den Jacques Duhautpas, sou heeschen eis Championen am Klammen, en Titel deen vir d'éischte Kéier am LN verginn gëtt. Weider

Eis Basketsequipe konnt sech trotz guddem Spill net vir d' Finall qualifizéieren. Weider

Mat 4 Schwëmmer war den LN op dem Schwammchampionnat vertrueden. 2 Mol konnte mir eng 2. Plaz erkämpfen. Weider

Eis Meedercher koumen op déi drëtte Plaz an hirer Pool. Dëst ass vir d' Erreechen vun der Finall leider net duer gaang. Weider

Eis Jongen hunn déi 1. Plaz an der Virronn erreecht an sech fir d'Finall qualifizéiert!

Tipp topp an bonne Chance an der Finall! Weider

Den Tom Rollinger gëtt am Riseslalom zu Adelboden den 21. Weider

Judokaen aus dem LN hunn sech gutt géint Konkurrenz aus dem Sportslycée verteidegt. Top! Weider

   Vera Thill 2. Plaz (Seniors) >60Kg
   Arnes Cosic 3. Plaz (Cadets) <60 Kg
   Emir Badic 1. Plaz (Cadets) >100 Kg (Champion LASEL)
   Kevin Thill 3. Plaz <100 Kg

Den LN fiert och dëst Joer erëm virun der Ouschtervakanz op Deux Alpes (F) an den Ski- a Snowboardstage.

D´Aschreiwung fänkt haut un! Lued dir vum Site d´Autorisation parentale rof an gëff dës ausgefëllt am Sportsproffe- Büro of vir dech unzemellen! Bréng och deng Schülerkaart mat. D´Schüler bis 4e/10e hunn Virrang. Weider

D´Sportsproffen soen den 59 Schüler a Schülerinnen, déi en Dënschdeg mat op Landgraaf an den "SnowWorld" gefuer sinn, Merci vir hiert gutt Behuelen! Am LN verstoppen sech puer Ski- an Snowboardtalenter!  Weider

D`Entscheedung am Minifoot vum Cycle supérieur ass leschte Freiden gefall. Déi zwou Equipen vun der 4M2 konnten sech an d´Finall spillen an hunn sech hei e spannende Match geliwwert. No insgesamt 8 Goaler konnten sech den Aurélien, Tun, Jo, Pit, Yannick a Joel géint hier Klassekameroden mat 5:3 duerchsetzen. Op déi drëtt Plaz kennt TOCM1 virun der 4M1. Congrats an Merci vir den Fairplay!  Weider

D´Spiller vun der 2D konnten sech leschte Freiden an der Finall vum éischten LN-Völkerball-Turnéier kloer an 2 Sätz géint d´4M2 duerchsetzen. Weider

Jennifer I'nt Groen gëtt Championne bei de lizenzéierten Seniorinnen am Badminton! Bravo! Weider

Eis Meedercher hunn en Donneschden an der ISF-Halleffinall géint den Sportslycée mat 42-84 verluer. Weider

D´8STP3 gewënnt den Minifoot bäi den 7e-6/8e! Insgesamt hunn 15 Klassen deelgeholl. Congrats guys!   Weider

Den Jason Ribeiro, Patrick Finke a Bryan Pinas vun der 9STP6 gewannen de Streetball-Tournoi! Zweet gëtt d´2DG virun der 8POF. Weider

Eis Jongen erreechen déi zweete Plaz an hirer Pool a verpassen sou leider déi nächst Ronn. Weider

D´Meedercher vum LN spille sech mat 2 vun 3 gewonnene Matcher an d´Halleffinall vum ISF Basketchampionat!
Den 18. November geet et lo géint den INS! GO LN! GO !  Weider

D´Meedercher vum LN hunn d´Qualifikatioun vum ISF Swim Cup, deen den 14. Oktober am Lycée Technique Michel Lucius ofgehale gouf, gewonn! Lo kenne si sech am Fréijoer zu Malta mat internationale Schoule moossen! Congrats! Weider

Eis Jongen hu sech eng exzellente 5.Plaz op der Kockelscheier erlaf! Weider

Am LN-Badminton-Tournoi konnt sech den Taki Bui Tan Dat an de Joé Wiltgen (béid vun der 2e) géint hier Kontrahenten duerchsetzen! Weider

Op eisem Site fënns du allméiglech Informatiounen zum Schoulfach Sport souwéi zu de LASEL´s-Aktivitéiten, déi am/vum LN ugebuede ginn. Kuck och an eis Galerie eran - mir hunn nach puer al Photoen erëmfonnt!

Vill Spaass beim Liesen a Kucken!